Eger Amerika prezidenti Donal'd Tramp Phen'yannıñ yadrolıq qarudan bas tartuın talap etuin toqtatpasa, KHDR basşısı AQŞ-pen kezdesuden bas tartuı mümkin. Bwl turalı Bi-Bi-Si aqparat agenttigi habarlaydı.

Soltüstikkoreyalıq resmi jañalıqtar agenttigi CTAK KHDR-nıñ sırtqı ister ministriniñ osınday mälimdemesin jariyaladı. Atalğan mälimdemede: «AQŞ yadrolıq qarudan bas tartuımızdı talap etip, bizdi tığırıqqa tireude. Bizdi mwnday kelissözder qızıqtırmaydı, sondıqtan  AQŞ pen KHDR-nıñ arasındağı alda ötkiziledi dep josparlanğan tarihi kezdesudi tağı bir oylanıp köremizSoltüstik Koreya alda ötetin sammit Korey jartı aralındağı jağdaydı bäseñdetedi dep köp ümittendi. Alayda, kezdesu jaqındağan sayın AQŞ türli mälimdemeler jasap, bizdi arandatuda», - delingen.

Soltüstik Koreya lideri men AQŞ prezidenti arasındağı sammit 12 mausım küni Singapurde ötedi dep josparlanğan edi. Bi-BI-Si agenttiginiñ Oñtüstik Koreyadağı tilşisi Lora Bikerdiñ sözinşe, soltüstikkoreyalıq biliktiñ bwl mälimdemesi rasımen de Tramppen arada josparlanğan kezdesudiñ bolmauı mümkin ekenin bildiredi.

Sonımen qatar, küni keşe saytımızda Oñtüstik Koreya men Soltüstik Koreya basşılarınıñ tağı da kezdesuge şeşim şığarğandarın jazğan bolatınbız. Alayda, bügingi habarlarğa qarağanda, Phen'yan bwl kezdesuden de bas tartqan. Onıñ atalğan kezdesuden nege aynıp qalğanı turalı naqtı mälimet joq.

“The Qazaq Times”