Oñtüstik Qazaqstan oblısınıñ Sayram audanında jat ağımdı ügittegen 10-sınıp oquşısı türmege qamaldı. Ol "terrorizmdi nasihattau" jäne "dini alauızdıq qozdıru" baptarı boyınşa ayıptı dep tanılıp, 4 jılğa bas bostandığınan ayırıldı. Bwl turalı OQO kämeletke tolmağandardıñ isteri jönindegi mamandandırılğan audanaralıq sotınıñ törağası Qayrat Qoñırbaev habarladı.

Ayıptaluşı sot zalınan qamauğa alınğan. Jazasın qılmıstıq-atqaru jüyesiniñ ortaşa qauipsizdik mekemesinde öteydi. Sottalğan oquşınıñ tuıstarı sot ükimimen kelispey, endi appelyaciyalıq şağım tüsirudi közdep otır.

Tört jılğa abaqtığa jabılğan qılmısker bıltır qaraşa ayında twtqınalğan edi. Ol kezde wlttıq qauipsizdik komitetiniñ qızmetkerleri Sayram audanında terrorizmdi aşıq nasihattağan 11 küdiktini qolğa tüsirgen.            

        “The Qazaq Times”