Foto: yeniakit.com

AQŞ elşiliginiñ Tel'-Avivten Ierusalimge köşiriluiniñ saltanattı räsimine 86 memleketti şaqırğan Izrail'diñ şaqırtuın 54 el jauapsız qaldırdı. Izrail'diñ «Haaretz» basılımınıñ habarlauınşa, olardıñ basım köpşiligi Europa Odağına müşe elder.

Sonımen qatar, Resey, Mısır, Ündistan, Japoniya jäne Meksika elderiniñ de osı qwttıqtau räsimine qatıspaytındıqtarı belgili boldı. Europa Odağına müşe tört el — Avstriya, Majarstan, Rumıniya jäne Çehiya Respublikası ğana şaqırtudı qabıl alğan. Al, Euroodaqqa müşe emes, alayda Europa elderi bolıp sanalatın Albaniya, Makedoniya, Serbiya, Ukraina jäne Gruziya atalğan räsimge qatıspaq.

Bwdan bwrın da saytımızda Europa Odağınıñ AQŞ elşiliginiñ Tel'-Avivten Ierusalimge köşiriluin qwptamağanı men Şığıs Ierusalimdi özderiniñ bolaşaq astanaları retinde sanaytın palestina halqınıñ köterilis jasap jatqanı turalı habarlağanbız. Bwdan keyingi jağdaydıñ qalay boları belgisiz. Äzirgi belgilisi, erteñ, 15 mamır küni palestinalıqtar osığan qatıstı iri marş wyımdastırmaq.

“The Qazaq Times”