AQŞ prezidenti Donal'd Tramp qızı Ivanka Tramp pen küyeu balası äri Aq üydiñ bas keñesşisi Djared Kuşnermen birge Ierusalimde Amerikanıñ elşiligin aşuda. Bwl turalı Bi-Bi-Si agenttigi habarlaydı.

Elşiliktiñ Tel'-Avivten Ierusalimge köşirilui Şığıs Ierusalimdi palestinalıqtardıñ bolaşaqta astanası boladı dep sanaytın palestinalıqtardıñ narazılığın oyatıp, jappay qarsılıq şarasına wlasuda.

Al, uaqıtşa elşilik AQŞ-tıñ Ierusalimdegi konsuldığınıñ ğimaratında bügin jwmısın bastamaq.  Saltanattı räsim Izrail'diñ 70 jıldığına qarsı ötedi. Oğan prezidentten bölek, AQŞ-tıñ qarjı isteri jönindegi ministri Stiven Mnuçen men AQŞ memlekettik hatşısınıñ kömekşisi Djon Sallivan da qatısadı.

Izrail' prem'er-ministri Bendjamin Netan'yahu «barlıq elderdi AQŞ sekildi elşilikterin Ierusalimge köşiruge» şaqırdı.

Palestina avtonomiyasınıñ prezidenti Mahmwt Abbas Donal'd Tramptıñ bwl şeşimin «ğasır qorlığı» dep atadı. Al, Europa Odağı elşiliktiñ köşiriluine qatıstı qarsılığın bildirdi.

Eske salayıq, Gaza sektorı men Izrail' şekarasındağı qandı tärtipsizdikter 30 naurızdan beri jalğasuda. Palestinalıq qarsılıq qozğalıstı wyımdastıruşılar osılayşa Izrail' biligine degen öz narazılıqtarın bildirude. 15 mamır küni mıñdağan adam qatısatın aqtıq marş ötedi dep kütilude.

“The Qazaq Times”