Reseydiñ äskeri qaru-jaraq eksporttauşı firması «Rosoboroneksport» (Rosoboroneksport)Türkiyağa satılatın S-400 zımıran qorğanıs jüyesiniñ öndirisi bastalğanın mälimdedi. Bwl turalı Türkiyanıñ «Anadolı» aqparattıq agenttigi habarladı.

Atalğan mälimdemeni «Rosoboreneksporttıñ» jetekşisi Aleksandr Miheev «Sputnik» agenttigine bergen swhbatında mälimdedi. Ol sözinde: «Joba bastalıp ketti. Alda birneşe basqışqa bölingen jwmıs tärtibin orındaymız. Özimizdiñ jauapkerşiligimizdi tolığımen orındap şığamız», – degen.

Osıdan bwrın Reseydiñ äskeri önerkäsip kompaniyasınıñ törağası Sergey Çemezov  Türkiya reseylik S-400 zımıran qorğanıs jüyesinen 4 danasın 2,5 mlrd AQŞ dollarına satıp alatının mälimdegen edi. Esteriñizde bolsa, Türkiyanıñ reseylik qorğanıs jüyesin satıp aluı NATO müşeleri arasında narazılıq tudırğan bolatın.

“The Qazaq Times”