Foto: RIA Novosti

Resey Täjikstan men Qırğızstandağı bazalarınıñ äskeri quatın arttıruda – dep habarlaydı ca-news aqparat agenttigi.

Säuir ayınıñ 24-i küni Qıtaydıñ Beyjiñ qalasında ötken Şanhay ıntımaqtastıq wyımına müşe elderdiñ qorğanıs ministrliriniñ bas qosuında Resey qorğanıs ministri Sergey Şoygu Auğanstan mäselesine baylanıstı mädimdeme jasadı. Onda ol: «Resey Qorğanıs ministrligi Auğanstannıñ soltüstik audandarınan Täjikstan men Qırğızstan siyaqtı odaqtas memdeketterdiñ aumağına terroristerdiñ kirip ketu qaupiniñ aldın alu üşin tiisti şaralar qabıldauda. Osı maqsatta Täjikstan men Qırğızstandağı Resey bazalarınıñ äskeri quattı arttırıluda jäne jañadan arnayı tehnikalar jetkizilude. Qırküyek ayında Qazaqstan, Qırğızstan, Resey jäne Täjikstan aumaqtarında terrorizmge qarsı arnayı äskeri oqu-jattığu jwmıstarın ötkizbekpiz» - degen.

Esteriñizge salayıq, Şanhay ıntımaqtastıq wyımı 2001 jılı qwrılğan. Oğan Özbekstan men Türkimenstannan özge Ortalıq Aziyadağı üş memlekettiñ üşeui de müşe. 2017 jılı mausım ayınıñ 9-ı küni wyımğa tolıqqandı müşe bolıp Ündistan men Päkistan qabıldanğan.

“The Qazaq Times”