Qazaqstan Süriya mäselesinde Reseydi qoldamadı.

Säuir ayınıñ 14-i küni ötken Birikken Wlttar Wyımı Qauipsizdik Keñesiniñ tötenşe otırısında Qazaqstan Süriya mäselesine baylanıstı wsınğan Resey qararın qoldamadı. AQŞ, Wlıbritaniya jäne Franciyanıñ Süriyağa jasağan äue şabuılın sınğa alğan qarardı Resey, Qıtay jäne Boliviya üştigi qoldap, qalğan segiz memleket qarsı şıqqan. Al Qazaqstan, Peru, Ekvatorlıq Gvineya jäne Efiopiya dauıs berude qalıs qalğan.

Esteriñizge salayıq, säuir ayınıñ 14-i küni AQŞ, Wlıbritaniya jäne Franciya qarulı küşteri Süriyanı äueden şabuıldağan bolatın. AQŞ resmi ökilderiniñ habarlauınşa, şabuıl barısında Süriyağa qarata 100-ge juıq qanattı zımıran atılğan.

“The Qazaq Times”