Ğalım Sayat Ibıray.

Sot Sayat Ibıraydı merziminen bwrın bosattı.

Säuir ayınıñ 11-i küni Öskemen qalasında ornalasqan Şığıs Qazaqstan oblıstıq sotı Semey qalalıq sotınıñ şeşimin bwlıp, 12 jılğa sottalğan ğalım Sayat Ibıraydıñ merziminen bwrın şarttı türde bosatu turalı ötinişin qanağattandırğan. Sot şeşimi jariyalanğan künen bastap küşine engen. Sayat Ibıraydıñ advokatı Abzal Qwspannıñ sözinşe, onı türmeden bügin şığarıp ülgermeydi. Sol sebepti Sayat Ibıray bostandıqqa erteñ şığarılmaq.

Sayat Ibaray 2010 jılı  qamauğa alınıp, 2011 jılı «sopılar isi» boyınşa «qılmıstıq top qwrdı» degen ayıppen 12 jılğa sottalğan. Bwğan deyin birneşe ret qazaqstandıq ğalımdar men qoğam qayratkerleri prezidenttiñ atına Sayat Ibıraydı bosatudı swrap hat jazğan.

“The Qazaq Times”