AQŞ lauazımdılarınıñ biri jeksenbi küni sol eldegi BAQ-qa bergen habarına qarağanda, Soltüstik Koreya basşısı AQŞ-pen yadrolıq qarudan bas tartu turalı kelissöz jürgizuge dayındalıp bolğanın jetkizgen. Bwl KHDR basşısı ötken ayda AQŞ prezidentimen kezdesu turalı habarlağannan keyin, alğaş ret kelissöz kezdesuine dayın ekenin bildirui. «Şinhua» aqparattıq agenttigi habarladı.

Ötken ayda Tramptıñ bwl kezdesu turalı jasağan mälimdemesinde, Soltüstik Koreya basşısımen mamır ayında kezdesuge keliskenin aytqan edi. Degenmen, kelissöz mazmwnı, kezdesudiñ kün tärtibi men qatısatın lauazımdılar turalı egjey-tegjeyli mälimet äli künge deyin taratılmadı.

Alayda, aqparat közderiniñ mälimdeuinşe, Uaşington (Vaşington) men Pioñyañ (Phen'yan) arasında qazirdiñ özinde qwpiya baylanıs ornatılğan.

Tramp öziniñ bwğan qatıstı mälimdemelerinde tek Korey tübeginiñ yadrolıq qarusızdanuına şaqırıp keledi. Soltüstik Koreya tarabı sankciyalardıñ jeñildeui üşin yadrolıq bağdarlamaların toqtatuğa uäde bergen. Biraq, bwl uäde osığan deyin de orındalmay kelgen bolatın.