Foto: Abılayhan Ömirbay

Biıl jurnalistika mamandığınıñ pändik olimpiadası E.A.Böketov atındağı Qarağandı Memlekettik Universitetinde  ötkizilip jatır.Bilim bäygesine elimizdiñ 16 universitetinde oqitın 48 student baq sınauda.

2008 jılı äl-Farabi atındağı QazWU da bastau alğan olipiadanıñ maqsatı – Jurnalistika mamandığınıñ sapasın arttıru, talanttı da bilimdi, üzdik studentterdi anıqtau, bolaşaq jurnalisterdi dayarlaytın oqu orındarınıñ biliktigin arttırudı közdeydi. "Pändik olimpiadağa alğaşqı ret äl-Farabi atındağı QazWU da qatısqan edik. Ol kezdegi studentter men qazirgi studentterdi salıstıruğa bolmaydı. Sebebi, qazirgi jastar jan-jaqtı, kreativti oylau qabileti joğarı, izdenisteri mol ekenin bayqadım.  Sonımen qatar, biılğı olimpiadanıñ qazaq televiziyasınıñ 60 jıldığına  arnaluı bolaşaq jurnalisterdiñ wlttıq televiziya tarihın tereñdep biluine öz äserin tigizdi", – deydi, äl-Farabi atındağı QazWU-dıñ ağa oqıtuşısı Jänibek Ğalımwlı. Olipiada qatısuşıları eki kezeñ boyınşa sınaladı. Äueli jurnalister «Televiziya jäne däuir» taqırıbına arnalğan beynesyujetter arqılı jurnalistik şeberlikterin körsetedi. Odan keyingi kezeñde, «Qazaq jurnalistikasınıñ tarihı»,  «Qazirgi jurnalistikanıñ janrlıq pişinderi men qızmeti», «Teleradiojurnalistika» pänderi boyınşa test swraqtarına jauap beredi. Sonday-aq, aqparattıq sayttarğa jedel aqparat jariyalau mindeti de jükteledi.Wyımdastıruşılar pändik olipiadanıñ qatısuşıları jıl ötken sayın köbeyip kele jatqandığın aytadı.
"Pändik olimpiadağa birinşi ret qatısıp otırmın. «Televiziya jäne däuir» attı taqırıp bizdiñ şığarmaşılığımızdı şıñdauğa ülken mümkindik berdi. Televiziyanıñ tarihımen jäne jahandanu ürdisindegi jetistikterimen tanıstıq. Köptegen dostar tauıp, özimizdi käsibi jurnalist sezine bastadıq. Osı orayda, täjiribeli jurnalisterdiñ şeberlik sınıptarına da qatısamız", – deydi, M.H.Dulati atındağı TarMU-dıñ 2 kurs studenti Sändibek Prenov.
Olipiadağa qatısqan 16 komandanıñ işinen tek 6 komanda ğana marapattaladı. Sonday-aq, olipiada kubogın wtıp alğan oqu ornı kezekti sayıstı wyımdastıradı.

Sımbat Aydarhan

“The Qazaq Times”