Bügin Taldıqorğan qalasındağı «Jastar» Sport sarayı aumağı men «Jastar» mädeni-demalıs sayabağında äz Naurız merekesine oray oblıs äkimi Amandıq Batalovtıñ qatısuımen «Wlttıq jañğıru meyramı – Naurız!» attı merekelik şaralar ötti. Köpşilikke bauırsaq taratılıp, Naurız köje wsınıldı,köñildi oyındar, sporttıq jarıstar, türli körmeler wyımdastırıldı, - dep habarlaydı Almatı oblısı äkiminiñ baspasöz qızmeti.

Mereke aldımen «Bwlaq körseñ, közin aş» degen tämsilmen qala sırtındağı bwlaqtıñ közin aşudan bastaldı. «Jastar» Sport sarayınıñ aumağında qaz qatar tigilgen aq şañqan kiiz üyler «Naurız auılın» qwrap, üylerdiñ aldında qazaq halqınıñ salt-dästürlerinen körinister qoyılıp, än men jırdan şaşu şaşıldı, aq tilekter aytılıp, bata berildi. Qolöner bwyımdarınan, körkemsuretten körmeler qoyılıp, qazaqşa küres, kir tasın köteru, arqan tartıs, asıq siyaqtı wlttıq oyındar oynaldı. Etnomädeni ortalıqtardıñ da körmesi, wlttıq tağamdarı wsınılıp, şağın koncertteri qoyıldı. Cirk önerpazdarı san qilı önerlerin paş etti.

 

Oblıs basşısı aqsaqaldarmen, «Jasıl el» jasağınıñ müşelerimen birge sayabaq işine ağaş ekti.

Sayabaq sahnasında B. Rimova atındağı drama teatrınıñ, oblıstıq Süyinbay atındağı filarmoniyanıñ jäne basqa da öner wjımdarınıñ qatısuımen «Külimde, Naurız, külimde!» attı muzıkalıq-horeografiyalıq körinis qoyıldı. Onda tabiğattıñ oyanuı surettelip, äzil änder, Naurız jırı, Naurız batası aytıldı.

Saltanattı merekede söz söylegen oblıs äkimi Amandıq BatalovElbasınıñ «Prezidenttiñ 5 äleumettik jobası» ündeuiniñ halıqqa tıñ serpin bergenin atap ötip:

- Wlıstıñ wlı küni, jaqsılıqtıñ jarqın merekesi, Jıl bası – Naurız meyramı  qwttı bolsın!Wlıs oñ, aq mol bolsın! Qazınalı qarttar, jalındı jastar,  baqıttı säbilerimiz aman bolsın! Külli  şığıs jwrtına ortaq – Naurız merekesiniñ tarihı tım tereñde jatır. Halqımız Wlıstıñ wlı küninde – Jaña jılğa ülken ümit artadı. Sebebi naurız ayı jañaru men jaña istiñ, ırıc  pen ıntımaqtıñ altın arqauı sanalğan. Bereke men birliktiñ bastauı bolğan bwl merekede barşa jetisulıqtarğa, är şañıraqqa baqıt, quanış tileymin. Täuelsizdik twğırı berik bolıp, el abıroyı arta besin! – dedi öz qwttıqtauında.

Mwnan soñ oblıs äkimi A. Batalov jetisulıqtardıñ atınan qazaq ğarışkeri, Halıq qaharmanı, Äskeri-äue küşteriniñ general-mayorı Aydın Ayımbetovti qwttıqtap, oğan«Almatı oblısınıñ Qwrmetti azamatı» atağın resmi türde tabıstadı.

Mereke Süyinbay atındağı oblıstıq filarmoniyanıñ, «Taldıqorğan äuenderi» fol'klorlıq-etnografiyalıq ansambliniñ jäne qazaq estradası önerpazdarınıñ koncertimen jalğastı.

Atap ötsek, osı küni «Taldıqorğan» ippodromında kökpar jarısı ötti. Al keşkilik «Jastar» sayabağında bi keşi wyımdastırıladı.

“The Qazaq Times”