AQŞ prezidenti Donal'd Tramp Iran halqın naurız merekesimen qwttıqtadı.

Aq üy baspasöz qızmeti taratqan mälimdemede Donal'd Tramp: «Naurız merekesiniñ tarihı Iranmen tikeley baylanıstı. Iran halqı mıñdağan jıldar boyı öziniñ mädenieti men küş-jigeri arqasında türli qauip-qaterlerge qarsı twrıp keledi. Qazir Iran halqınıñ aldında jaña qauip twr. Ol halıqqa emes öz müddelerine jwmıs isteytin bastaruşı top ökilderi. Osıdan HHV ğasır bwrın Wlı Dari qwdaydan Irandı jaudıñ äskerinen, quañşılıq pen ötirikten qorğaudı swrağan. Qazir «Islam revolyuciyasın qorğauşılar korpusı» osı üş qauiptiñ jiıntığı. AQŞ Iran halqınıñ bostandıqqa, älemdik qauımdastıqpen birge boluğa degen wmıtılısın qaşan da qoldaydı», - degen.

Esteriñizge salayıq, 2017 jıldıñ jeltoqsan ayında Iranda halıqtıq tolqular bolğan. Saldarınan policiya men ereuilşiler arasındağı qaqtığıstan ondağan adam köz jwmdı. Osıdan keyin AQŞ biligi resmi Tehrandı qatañ sınğa alıp, adam qwqığın şektemeuge şaqırğan. Narazılıq akciyası dükendegi qarapayım jwmırtqa bağasınıñ qımbattauınan bastalıp, aqırında el prezidenti Hasan Ruhani men ruhani kösem Ayatolla Homeneyge qarsı şığumen ayaqtaldı.

“The Qazaq Times”