Bilim salasın cifrlandıru aldağı uaqıtta balalarğa arnalğan barlıq oqulıqtar men körneki qwraldardıñ elektrondı formağa ötetinin körsetedi. Alayda barlıq elektrondı qwraldar, noutbukter, interaktivti taqtalar, planşetter densaulıqqa, äsirese balalar közine asa ziyan. Bwl turalı bügin QR parlament mäjilisiniñ deputatı Qwralay Qareken mälimdedi.

"Adamğa äser etetin fizikalıq faktorlarmen jwmıs talaptarınıñ sanitarlı erejeleri boyınşa, balalardıñ onımen jwmıs isteui  jasına qaray eki sağattan artıq bolmau kerek. Ol gigienalıq türde anıqtalğan. Alayda oquşılardıñ künine bes sabaqtan köp oqitının jäne olardıñ onsız da gadjetke degen qoljetimdigin eskersek, olardıñ elektrondı qwrılğımen ötkizetin uaqıtı äldeqaşan normadan asıp ketken", - dedi ol.

Deputattıñ sözinşe, Microsoft basşısı Bill Geytstiñ özi balalarınıñ 14 jasqa deyin smartfon paydalanuına tıyım salğan.

"Ärine, mektepterde elektrondı qwrılğılardıñ payda bolğanı jaqsı. Biraq eñ bastısı, sol gadjettiñ barlıq türleri, oquşılardı bilimnen alşaqtatpay, oğan tarta bilse bolğanı. Mine, osığan oray elektrondı qwrılğılarmen jwmıs isteu uaqıtın retteytin gigienalıq normalardı özgertu josparlanıp otır ma?", - dedi Qwralay Qaraken.

Al densaulıq saqtau vice-ministri Aleksey Coy bolsa, elektrondı qwrılğılar oquşalırdıñ jwmıs isteu qabiletine jäne közine auır bolatını ğılımi däleldengenin atap ötti.

"Qazaqstannıñ densaulıq saqtau jüyesinde naqtı zertteu jürgizilgen joq. Profilaktika negizinde közge jattığu jasau täsilderi bar. Biz mindetti türde jwmıs tobın qwrıp, zertteu jürgizetin bolamız", - dedi vice-ministr.

Alayda Coydıñ bwl sözine Mäjilis törağasınıñ orınbasarı Gülmira Isimbaeva: "Negizi siz bilim ministrligin basıp ozuıñız kerek. Bilim ministrligi engizeyin dep jatır, al sizder onı endi ğana zerttemeksizder. Bäri ayaqtalğan soñ ğana onıñ balalar densaulığına qalay äser etkenin körsetpeksizder. Sizder aldımen ministrlikke qalay jäne ne isteu kerektigin aytularıñız kerek. Eñ bastısı - biz balalarğa ziyan keltirmeuimiz kerek", - dep sıni pikir bildirdi.

Ayta keteyik, bwdan bwrın BĞM basşısı  elektrondı oqıtu bağdarlamasınıñ tolıq qoljetimdigin qamtamasız etetin cifrlandıru koncepciyası äzirlenip jatqanın mälimdegen edi.

“The Qazaq Times”