Kreml' Britandıq diplomattardı qualadı. Foto: WSJ.

Wlıbritaniya ükimeti 23 reseylik diplomattı elden şığarğannan keyin, Mäskeu biligi de qarımtasın qaytardı. Kreml'diñ şeşimimen 23 britaniyalıq diplomattı elden şığaruğa bwyrıq berdi. Esteriñizde bolsa, Wlıbritaniya ükimeti «reseylik agentke asa ulı zatpen qastandıq jasau» isine Mäskeudi ayıptı dep tauıp, Resey diplomattarın elden quğan bolatın. Bwl turalı «WSJ» basılımı habarladı.

Reseydiñ Sırtqı ister ministrligi sol eldegi Britaniya elşisin şaqırtıp, atalğan şeşimmen tanıstırdı jäne britaniyalıq diplomattardıñ Reseyden şığıp ketuine bir apta uaqıt bergenin jetkizdi. Resey SİM-niñ jasağan mälimetinde: «Bwl qadam – Britaniyanıñ Reseydi negizsiz ayıptauı men birjaqtı provakaciyasına bergen jauabımız», – delingen.

Resey SİM-iniñ mälimdemesinde Wlıbritaniyanıñ Peterbordağı bas elşiliginiñ ökilettiligi joyılatını aytılğan. Oğan qosa mädeniet pen bilim salasındağı almasulardı wyımdastırıp kelgen Britandıq keñes (British Council) jwmısın toqtatuı kerek ekenin alğa tarttı.

Ötken bir aptada Wlıbritaniya men Resey arasındağı qayşılıq «Qırği qabaq soğıs» ayaqtalğannan bergi eñ tömengi körsetkişke jetti. Wlıbritaniyanıñ lauazımdı twlğaları jwma küni: «Resey prezidenti Vladimir Putin bwyrıq berip, Sergey Skripal' men onıñ qızına qastandıq jasadı, qazir bwl eki adamnıñ hali tım auır jağdayda», – dep mälimdedi. Osıdan keyin Wlıbritaniya ükimeti şeşim şığarıp, 23 reseylik diplomattan araldı elden şığıp ketudi talap etken.

Bwğan qosa Britaniyanıñ qauipsizdik wyımdarı men arnaulı departamentteri qosımşa şaralardı qabıldau maqsatında jinalıs aşqanın mälimdegen.

Bwl Resey men Batıs arasınıñ tipti de alşaqtap, Reseyge qaratılğan sankciya qısımınıñ tipti de arta tüsetinin körsetedi.

“The Qazaq Times”