Sergey Lavrov, Reseydiñ sırtqı ister ministri. Foto: PolitNavigator

Reseydiñ sırtqı ister ministri Sergey Lavrov keşe Mäskeu qalasında ötken "Rossiya – strana vozmojnostey" attı forumda Qazaqstannıñ AQŞ azamattarı üşin vizasız tärtip engizu turalı şeşimine pikir bildirgen. Onıñ sözinşe, bwl üşin de Euraziyalıq ekonomikalıq odaqpen kelisim jasau kerek.

Forumğa Qazaqstannan  barğan qatısuşılardıñ biri Sergey Lavrovtan "Qazaqstannıñ AQŞ azamattarı üşin vizazız tärtip engizui qazaqstan-resey qarım-qatınasına qalay äser etetinin" swrağan.

"Şını kerek, men mwnı bilmeydi ekenmin, aldap twrğan joqpın. Men erteñ Astanada bolamın, äriptesim Qayratpen söylesemin (Qayrat Äbdirahmanov - red). Öytkeni  Euraziyalıq ekonomikalıq odaqta da vizasız tärtip wstanımı bar bolğandıqtan, odaq ayasında qanday da bir kelisim jasau qajet boladı", - dep jauap bergen Lavrov.

Ayta keteyik, QR prezidenti Nwrswltan Nazarbaev osı jıldıñ qañtarında AQŞ prezidenti Donal'd Tramppen kezdesken edi. Eki el basşıları Qazaqstan men AQŞ arasındağı strategiyalıq seriktestik turalı mäselelerdi talqıladı. Qazaqstan prezidenti AQŞ qazaqstandıqtar üşin vizasız rejim engizetinine senim bildirgen.

"Qazaqstan amerikalıq azamattarğa arnap, vizasız rejim jariyaladı. Biz bwğan jauap boladı dep ümittenemiz", - degen edi Nazarbaev.

Ayta keteyik, bwl Reseydiñ Qazaqstannıñ isine aralasuı mümkin ekenin bildiredi. EAEO-nı alğa tartıp, Resey öz talabın qoyuı da ğajap emes.

“The Qazaq Times”