Soltüstik Qazaqstan oblısı äkimi Qwmar Aqsaqalovtıñ törağalığımen öñirde tötenşe jağdaydardı aldın-alu jäne joyu boyınşa komissiyanıñ kezekti otırısı ötti. Kün tärtibinde köktemgi su tasqınına dayındıq barısı qaraldı. 

Tötenşe jağdaylar jönindegi departamenttiñ basşısı Ramil' Kamalovtıñ aytuınşa, audandar men qalada 989 birlik tehnika, 207  motopompa, joğarı önimdi 23 nasos dayın twr. 72 mıñ tonnadan asa inerttik materialdar, 34 mıñ qap, 114 tonna janar-jağarmay da dayındaldı. Tötenşe jağdaylar jönindegi departament 225 adam, 45 tehnika, 10 motopompa jäne 10 qayıqtı jwmıldırmaq. Jağday uşıqsa basqa öñirlerden 273 adam, 41 tehnika, 11 jüzu qwralın tartu közdelgen.

Bwl jwmısqa auıl şaruaşılığı qwrılımdarınıñ tehnikasın da jwmıldırğan jön.

«Agroqwrılımdarda qajetti tehnika bar. Olardıñ jwmısşıları sol auıldarda twradı. Qiın jağday tuğan kezde barlığımız bir adamday jwmılıp, jwmıs isteu qajet», - dedi Qwmar Aqsaqalov.

Sonday-aq, bıltır su tasqını  kezinde qayıqtardıñ jetispeuşiligi bayqalğan. Öñir basşısı büginnen bastap barlıq jüzu qwraldarın jwmıldıru kerektigin eskertti.

Qwmar Aqsaqalov köktemgi su tasqınınıñ zardaptarın azaytu jäne joyu maqsatında oblıs äkiminiñ orınbasarı Anton Fedyaevke tiisti şaralardıñ dayındıq barısın öz qadağalauına alıp, 20 naurızğa deyin bayandaudı tapsırdı. Bwğan qosa, öñir basşısı 20 naurızdan bastap aumaqtıq jüyeniñ jwmısın «kündelikti qızmet rejiminen» «joğarı dayındıq rejimine» auıstırudı tapsırdı.

“The Qazaq Times”