Britandıq fizik Stiven Hoking 76 jasında dünieden ozdı, dep habarladı The Guardian. Bwl aqparattı ğalımnıñ otbası rastağan. 

Hoking 1988 jılı "Uaqıttıñ qısqaşa tarihı" attı kitabın şığarğannan keyin asa tanımal boldı. Atalğan kitap ondağan tilge audarılıp, jalpı tirajı 10 mln danadan asqan. Ğalım köbine jahandıq jılınu, tabiğattağı jağdaylar jäne äleumettik teñsizdik sındı aktualdı taqırıptarğa basa nazar audardı.

Stiven Hoking ömiriniñ köp böligin mügedekter arbasına ötkizdi. Amiotrofiyalıq janama skleroz simptomdarı ğalımnıñ sal bolıp qaluına äkep soqqan. Aurudıñ bwl türine Hoking 1960 jıldardıñ basında, 20 jastan asqan şağında şaldığa bastağan.

“The Qazaq Times”