Foto: Ratel.kz

Mwrathan Toqmädi sotında Wlttıq qauipsizdik komitetiniñ eks-törağası Nartay Dütbaev jauap berdi.

Taraz qalasında BTA bank törağası Erjan Tätişevtıñ ölimine qatıstı küdikti Mwrathan Toqmädidiñ sotı jalğasuda. Sot barısında memlekettik ayıptauşı kuäger retinde WQK-nıñ bwrınğı törağası Nartay Dütbaevtan jauap alu turalı talap arız tüsirdi. Prokurordıñ talap arızın sot qanağattandırdı.

2017 jılı «memlekettik qwpiyanı jariyalau» jäne «asa iri kölemde qarjı jımqıru» isi boyınşa kinäli dep tanılıp, 12 jılğa bas bostandığınan ayırılğan Wlttıq qauipsizdik komitetiniñ eks-törağası Nartay Dütbaev tergeu barısında 2004 jılı quğındağı sayasatker Mwhtar Äbilyazovpen birigip jwmıs istegenin rastadı. Dütbaevtıñ sözinşe, ol Ädilyazovqa Tätişevtıñ telefonın baqılauğa qoyu arqılı aqparat aluğa kömektesken jäne Mwrathan Toqmädidıñ Tätişevtıñ jaqın tanıstarınıñ biri ekendigin aytqan.

Biraq Dütbaev prokurordıñ «siz Äbilyazovtıñ bwl aqparattardı Tätişevtı öltiruge paydalanatının bildiñiz be?» - degen swrağına: «Joq men ol jayında bilmedim. Men bwl aqparattardı Tätişevpen söylesu üşin jinap jatır dep tüsindim. Onıñ bwl aqparattardı Tätişevtı öltiruge paydalanatının bilgen joqpın» - degen.

Esteriñizge salayıq, bwğan deyin BAQ betterinde naurız ayınıñ 8-i küni Mwrathan Toqmädidiñ Jambıl oblıstıq auruhanasınan qaşıp ketkendigi jöninde aqparat tarağan. Keyinnen 9 naurız küni Wlttıq qauipsizdik qızmeti onıñ wstalğanın mälimdegen.

Mwrathan Toqmädige 2004 jılı añşılıq kezinde oqqa wşqan BTA bank törağası "Erjan Tätişevtı öltirdi" - degen ayıp tağılğan. Ayıptauşı taraptıñ sözinşe, Toqmädige Tätişevtı öltiruge belgili bankir Mwhtar Äbilyazov tapsırıs bergen. Biraq quğındağı bankir Mwhtar Äbilyazovtıñ özi bwl ayıppen tolıqtay kelispeydı jäne özin Nazarbaev rejimınıñ qwrbanımın dep esepteydi.

“The Qazaq Times”