"Halıqaralıq bağdarlamalar ortalığı" AQ saytında qazaqstandıqtar tegin oqi alatın şeteldik joğarı oqu orındarınıñ tizimi jariyalandı. Şetel azamattarı üşin tegin bilim aludı Germaniya, Franciya, Norvegiya, Çehiya, Pol'şa jäne Grekiya universitetteri wsınıp otır.

Alayda halıqaralıq bağdarlamalar ortalığınıñ mälimetinşe, tizimdegi ärbir JOO-nıñ oquğa tüsuge qatıstı öz talaptarı bar.

Sonday-aq, şetelde oqığısı keletinder ortalıqtıñ 8 (7172) 76-90-44, 76-91-04, 76-90-92, 24-93-96 nömirine habarlasıp, "Bolaşaq" stipendiyası turalı, ükimetaralıq granttar jäne qwjattardı qabıldau, talapkerlerdi irikteu şarttarı turalı bile aladı.

Bwdan bwrın belgili bolğanday, 2018 jılı Vengriya  JOO-ları qazaqstandıqtar üşin 200 bilim grantın bölgen. Oqu tegin. Sonday-aq Vengriya tarabı jataqhana men medicinalıq saqtandırumen qamtamasız etuge dayın.

Desek te, HBO prezidenti Janbolat Meldeşov 2017 jıldıñ qaraşa ayında qazaqstandıqtardıñ köbi grant wsınıp otırğan europalıq universitetterden göri AQŞ pen Angliyanıñ aqılı JOO-ların jii tañdaytının aytqan.

“The Qazaq Times”