Osı jıldıñ qañtar ayında Qazaqstanda bölşek sauda kölemi 625,7 mlrd teñgege jetti. Bwl ötken jıldıñ qañtar ayımen salıstırğanda 12,5 payızğa joğarı. Bwl jöninde Ranking.kz saraptama agenttiginiñ esebinde jazıldı. 

Eñ joğarı jıldıq ösim Almatı oblısında tirkeldi - öñirde bölşek sauda kölemi 23,6 payızğa nemese 25,2 mlrd teñgege jetken. Ekinşi orında 16,2 payız nemese 61,7 mlrd teñgege deyingi ösimmen Qarağandı oblısı twr. Oñtüstik Qazaqstan oblısı 16 payız, 30,5 mlrd teñgege deyingi körsetkişpen üşinşi orında.

Qazaqststandıqtar satıp alğan tauardıñ 31 payızı - azıq-tülik bolsa, 69 payızı azıq-tülikke jatpaytın tauarlar.

Bölşek sauda jasağandardıñ arasında auıl twrğındarınıñ ülesi - 8 payız, bıltır bwl körsetkiş 7 payız bolğan.

Al är twrğın bölşek saudada ortaşa eseppen 60 mıñ teñge qarjı jwmsağan jäne bwl ötken jılğı körsetkişke qarağanda 10,4 payızğa joğarı.

Sonday-aq, eñ köp qarajat jwmsalğan öñirge keler bolsaq, almatılıq bir twrğın ortaşa eseppen 109,3 mıñ teñgege tauar satıp alğan, bwl bıltırğı jılmen salıstırğanda 8,1 payızğa joğarı.

“The Qazaq Times”