Almatıda trolleybus jäne avtobustarda jolaqı qımbattamaydı. Bwl turalı Almatı qalasınıñ äkimi Bauırjan Baybek mälimdedi.

"Qala twrğındarınıñ esebinen ötemaqı, subsidiya bölinedi, avtobus parkteriniñ 30 payızı jañardı, 24 marşrut türi jañardı, twrğındardıñ ötinişi boyınşa 10 avtobus bağıtı qayta jañardı. Biraq keybir jeke tasımaldauşılar narazılıq turdırıp, jolaqını 150 teñgege deyin köterudi talap etedi. Qostanayda bağa 100 teñge ekenin aytadı, biraq özderiniñ qızmet sapasın köteruge uäde berip otırğan joq. Almatıdağı 80 teñgelik tarif 2012 jıldan beri köterilgen joq. 20 jıl işinde avtobus parkteri aqşanı kürep tauıp keldi. Subsidiyanı aldı, kömektesu bir basqa. Ol qarajattıñ bäri qayda ketti? Biz retke keltirgen uaqıtta memlekettiñ qoldauımen jolauşılardı tasımaldau narığı 20 mlrd teñgeni qwradı. Keybiri qoqan-loqı körsetkileri keledi. Mwnı qatañ türde retke keltiremiz",, -dedi Baybek bügin halıq aldında esep beru kezinde.

Äkimniñ sözinşe, biıl qoğamdıq kölikterdi subsidiyalauğa, 255 mıñğa juıq jolaqı jeñildigi üşin jäne tasımaldauşılardıñ şığının jabuğa 15 mlrd teñge bölinetinin atap ötti.

Al bwdan bwrın 17 qañtarda Almatıda jolauşı tasımaldauşılar qala äkimine avtobus parkteriniñ şığındarın tolıq subsidiyalau jäne avtobustar men trolleybustardağı jolaqını 150 teñgege deyin köteru turalı mäseleni qaraudı ötingen edi.

Ayta keteyik, Almatıda jolaqı qwnı  qolma-qol tölegen jağdayda 150 teñge. Al "Oñay" kartası, SMS jäne bank kartalarımen 80 teñge töleuge boladı. Bwl jüye 2017 jıldıñ 1 tamızında engizildi.

“The Qazaq Times”