Älemniñ №1 tennis oyınşısı kim?

Üzdik tennisşiler tiziminde osıdan 14 jıl bwrın alğaş ret 1-orınğa twraqtağan Rodjer Federer qazirgi tañda tennis tarihındağı jası eñ ülken №1  oyınşı, - dep habarlaydı BBC aqparat agenttigi.

Federer "Ülken şlemdi" 8 märte jeñgen 33 jastağı Andre Agassidi basıp ozdı.

"Jasıñ wlğayğan sayın basqalarına qarağanda eki ese köbirek jwmıs isteu kerek. Osı jerge jetu üşin sonşa eñbektengen adamdı jeñu üşin odan neşe ese köp jattığuım kerek ekenin elestete beriñiz. Älemniñ №1  tennis oyınşısı bolu - men üşin ülken jetistik. Kortqa alğaş 1998 jılı şıqqanımdı eskersek, bwl bir qızıq sayahat boldı" , - deydi Rodjer.

Niderlandıdağı jartılay finalda özine senimdi köringengimen, Federer alğaşqı sätte jeñilip qaldı. Biraq ital'yalıq Andreas Seppi men reseylik Daniil Medvedevpen ötken kelesi eki oyında özin qolğa alıp jeñiske jetti.

Matç soñında "Ülken şlemdi" 20 märte jeñgen çempion kortqa oralıp, halıqtıñ qoşemetine bölengenge deyin otırdı da, köz jasın sürtip aldı.

2004 jıldıñ aqpan ayında Federer alğaşqı ret teniisşiler tiziminde birinşi orında twrdı, biraq 2012 jıldıñ qazanınan bastap tömendep, 2017 jıldıñ qañtarında 17-orınğa tüsip ketti.

Tizesine jasalğan operaciyadan keyin 6 ay emdeludiñ nätijesi osılayşa onı 17-orınnan bir-aq şığardı.

Degenmen, ötken jılı Uimbldondağı jeñis, eki märte Australian Open-dı jeñgenin qosqanda sol kezden beri ol jalpı 8 marapatqa ie boldı.

Ülken şlemniñ 6 märte iegeri Stefan Edberg (Stefan Edberg): "Federerdiñ korttağı qimıl-qozğalısı, onıñ oynau täsili - barlığı erekşe. Osınşa jasqa kelip älemniñ nömiri birinşi tennisşisi bola alatın Rodjer ğana dep oylaymın. Bolaşaqta soğan wqsaytın bireu payda bolatın şığar, kim biledi. Biraq Rodjerdiñ eñbegin atap ötpeu mümkin emes. Endi ol emin-erkin jay bonus retinde oynap jüre berse de boladı. Öz-özin kütse Uimbldondı tağı jeñui de ğajap emes", - degen bolatın.

“The Qazaq Times”