Bryussel'de ornalasqan meşit Bel'giyanıñ eñ ülken meşiti jäne ol 40 jılğa juıq uaqıt Saud Arabiyasınıñ qaramağında boldı. Euronews aqparat agenttiginiñ mälimetinşe, Eldegi salafit Riyad qoğamda radikalizmdi uşıqtıradı degen  qauippen endi meşitti Bel'giyanıñ mwsılman qauımdastığınıñ baqılauına bermek.

Bwl kelisim ötken ayda Bel'giyanıñ SİM Didir Reynders (Didier Reynders) jäne onıñ saudtıq äriptesi Adel' al-Djubeyr (Adel al-Jubeir) arasındağı kelissözden keyin jasalğan bolatın.

Meşitke twraqtı keluşilerdiñ aytuınşa, bwl meşitte eşqanday radikaldı sipatta ügit-nasihat jürgizilmeytin. "Meşitke qarsı qanday da bir dälel bolatın bolsa, ol uağızdardıñ özi. Biraq olardı audarğan künniñ özinde terrorizmmen nemese radikaldı ideyalarmen baylanıstı eşnärse taba almaysız", - deydi olar.

Riyad wzaq uaqıt boyı ul'tra-konservativti islamnıñ älemdik eksporteri sanalıp keldi. Europadağı birneşe terrorlıq şabuıldardan keyin keybir elder mwsılman qoğamdastıqtarın basqaratın, qalıptı (radikaldı emes) közqarastardı wstanatın imamdardı ıntalandıruğa tırıstı.

Bryussel'diñ danalıq pen älem beybitşiligi forumınıñ prezidenti Halid Hadjidıñ (Khalid Hajji) aytuınşa, meşitter Europa men Bel'giyada taralğan dini  diskurstardı jañartu kerek.

Saud Arabiyanıñ qazirgi hanzadası Muhammed bin Salman (Mohammed bin Salman) radikaldı ideyalardı nasihattaydı dep ayıptalğanı üşin şet elderdegi meşitter men dini mektepterdi qoldaudı toqtatıp, 2017 jılı qalıptı islamdı nasihattauğa uäde bergennen keyin elde osı bağıtta türli reformalar qabıldana bastadı.

“The Qazaq Times”