Foto: Times.kz

Gallup International täuelsiz zertteu agenttigi qauımdastığı jasağan baqıt indeksinde Qazaqstan 74 payız körsetkişpen jetinşi orındı ielendi.

Sonday-aq, eñ baqıttı elderdiñ alğaşqı ondığına Fidji, Kolumbiya, Filippin, Meksiko, V'etnam, Papua – Jaña Gvineya, Indoneziya, Argentina jäne Niderlandı kirgen.

Gallup International täuelsiz zertteu agenttigi wsınğan mälimet.

Zertteu avtorlarınıñ pikiri boyınşa, eñ baqıtsız elder tiziminde Ukraina, Irak jäne Iran twr.

Zertteu kezinde "2018 jıl ötken jılğa qarağanda öte jaqsı boladı dep esepteysiz be?" degen saualnamağa qatısqan qazaqstandıqtardıñ 46 payızı jaqsı bolatının aytsa, 11 payızı naşar bolatının, 36 payızı asa özgeris bolmaytının aytqan. Al 7 payızı jauap beruden qalıs qalğan.

Saualnamağa älemniñ 55 elinen 54 mıñ adam qatısqan. Saualnamağa qatısuşılarğa köbine baqıt turalı swraq qoyılğan.

Respondentterdiñ  köbi (59%) özderin baqıttı sezinetinderin aytsa, saualnamağa qatısqan ärbir onınşı adam özderin "baqıtsızbın" (11%) dep esepteydi eken. Al qalğandarı özderin ne baqıttılardıñ, ne baqıtsızdardıñ sanatına qospaytındarın aytqan.

Osılayşa saualnamağa qatısqandardıñ bergen oñ jäne teris jauaptarınıñ ayırmaşılığı esepke alınıp, älemdik baqıt indeksi 48 payız körsetkişti qwrağan.

“The Qazaq Times”