SQO äkiminiñ qatısuımen jwmıspen qamtudı üylestiru jäne äleumettik bağdarlamalar basqarmasınıñ keñeytilgen alqa otırısı ötti. Jiında öñir basşısı Qwmar Aqsaqalov twraqtı jwmıs orındarın aşuğa köp köñil böludi tapsırdı, dep habarlaydı äkimdiktiñ baspasöz qızmeti.

«Oblıs twrğını bir-eki aylıq jwmısqa emes, twraqtı jwmısqa ornalasu kerek. Qoğamdıq jwmısqa uaqıtşa tartqan bolmaydı. Azamattar jıl boyı eñbektenui tiis. Auıldarğa barğanda osını tekseru üşin üy-üyge kiremin. Ädemi esepteriñizdi tekseremin», - dedi Qwmar Aqsaqalov.

Jalpı oblısta 2017 jılı 30714 adam jwmısqa twrdı, 2016 jılmen salıstırğanda 24 payızğa köp. Onıñ işinde 24788 adam twraqtı jwmıs taptı, nemese 80 payızı. Öz-özin qamtamasız etkenderdiñ de sanı qısqardı. 2017 jıldıñ basında olardıñ sanı 91 mıñ bolsa, qazir 79 mıñğa tüsti. Biıl keşendi jospardıñ ayasında 27 mıñ adamdı jwmıspen qamtu közdelgen.

SQO-da eñbekaqınıñ kölemi de artıp keledi. 2017 jıldıñ qorıtındısı boyınşa ortaşa eñbekaqı 6,5 payızğa ösip, 103 mıñ teñgeni qwradı.

“The Qazaq Times”