Foto: kstnews.kz

Wlttıq birıñğay testileu bazasındağı tapsırmalar  50%-ğa jañardı. Bwl turalı Wlttıq testileu ortalığınıñ direktorı Ramazan Älimqwlov mälimdedi.

Onıñ sözinşe, jıl sayın wlttıq testileu ortalığı memlekettik tapsıramalar ayasında test tapsırmalarınıñ barlıq türin tek 35 payızğa ğana jañartıp kelgen. Alayda Älimqwlov osı jılı WTO bwl jwmısqa barınşa jauaptı bola tüskenin aytadı.

Sonday-aq, bazağa jaña swraqtar qosılğan. 2018 jılı test tapsırmalarınıñ bazası 120 mıñ swraqtan twradı. Al ötken jılı 80 mıñ bolğan.

"120 mıñ swraqtıñ 11 payızı funkcionaldı sauattılıqtı arttıruğa bağıttalğan. Şamamen 37 payızı - bir nemese birneşe dwrıs jauabı bar test tapsırmaları. Mwnday swraqtar pändi tereñirek tüsinuge jäne este saqtau qabiletin arttıruğa mümkindik beredi. Mindetti pänder arasındağı oqu sauattılığı, matematikalıq sauattılıq funkcionaldı sauattılıqtı anıqtauğa bağıttalğan. Bwl halıqaralıq, sonıñ işinde Ekonomikalıq ıntımaqtastıq jäne damu wyımınıñ talaptarına säykes keledi", - deydi ol.

Sonday-aq, Ramazan Älimqwlov 2018 jılı tölemniñ jaña qızmeti iske qosılğandıqtan tülekter üyden şıqpay-aq, onlayn rejimde WBT-ğa dayındala alatının atap ötti.

"Onlayn testen ötu qwnı 260 teñge, bwl kitapşanı satıp aluğa qarağanda arzan. Tölem jasau türlerin de köbeyttik. Endi üyden şıqpay-aq, karta, internet-banking jäne kassa-24 terminalı arqılı tölem jasap, testi onlayn tapsıruğa boladı", - dedi Älimqwlov.

Ayta keteyik, WBT formatı 2017 jılı özgertildi. Mektep bitiruşi tülekter oqu sauattılığı, matematikalıq sauattılıq, Qazaqstan tarihı jäne öz tañdağan 2 pän boyınşa test tapsırıp, tiisti 140 baldı jinauı kerek.

“The Qazaq Times”