AQŞ-tıñ birneşe joğarı lauazımdılarınıñ bergen mälimetine qarağanda, soñğı birneşe aptadan bergi jalğasıp jatqan Uaşington biliginiñ işindegi talqılaudan keyin, Tramp ükimeti Soltüstik Koreya bağıttağan strategiyasın özgertedi. Aytalıq, KHDR-men ıntımaqtastıqtı nığaytu maqsatındağı aldın ala jürgizetin kelissözderge dayın ekenin bildirdi. Bwl turalı «WSJ» basılımı habarladı.

Keybir sarapşılar bwl qadamdı «kelissözder üşin kelissöz» dep atap, AQŞ ükimetiniñ bwrınğı eki el arasındağı kelissöz Soltüstik Koreya yadrolıq qaruınan bas tartqannan keyin ğana jürgizedi degen wstanımnıñ özgergenin aytadı. AQŞ wstanımınıñ özgergenin, düysenbi küni memlekettik hatşı Reks Tillersonnıñ sözinen de añğaruğa boladı. Kairge jasağan saparı kezinde Tillerson bolaşaqtağı resmi kelissözder üşin aldın ala jasalatın kelissözderde AQŞ-tıñ bwrınğı wstanımın şegere twratının aytıp ötti.

Bwl turalı Reks Tillersonnıñ pikirinen bwrın AQŞ vice-prezidenti Mayk Pens Oñtüstik Koreyadağı qısqı Olimpiada oyındarına qatısu kezinde, sol eldiñ prezidentine de aytqan bolatın. Aytalıq onıñ Soltüstik Koreyamen kezdesuge dayın ekenin jetkizui, AQŞ ükimetiniñ Soltüstik Koreyamen yadrolıq qarudan bas tartqannan keyin ğana kelissöz jürgizu wstanımınıñ özgergenin bildiredi.

Degenmen bir närseni anıq tüsinuge tura keledi. AQŞ-tıñ kelissöz turalı wstanımınıñ jwmsaruı, Soltüstik Koreyağa ekonomikalıq jäne sayasi qısım jasaudan bas tarttı degendi bildirmeydi.

AQŞ ükimetiniñ joğarı lauazımdıları tüsinik bergende, Uaşington biligi  Soltüstik Koreya yadrolıq bağdarlamasınan bas tartıp, äri naqtı kelissözge kelgenge deyin AQŞ üş salada – ekonomikalıq, sayasi jäne qarulı küşter arqılı qısımdı jalğastıratının aytqan.

“The Qazaq Times”