Foto: "Ayqın" gazeti

Questra World, A.G.A.M., Forex Trend, Panteon Finance sındı qarjı wyımdarın qwrğan Pavel Krımov Mäskeude wstaldı, dep habarlaydı  Lenta.ru.

Bwdan bwrın belgili bolğanday, Questra World Qazaqstanda qarjı piramidası retinde atalğan bolatın.

Reseydiñ qwqıq qorğau organdarınıñ mälimetine qarağanda Krımov 2018 jıldıñ 6 aqpanında Şeremet'evoda wstalğan. Tekseru jürgizu kezinde Resey biliginiñ ökilderi onıñ Qazaqstanda izdestirilip jatqanın anıqtağan. Sebebi Qazaqstannıñ qılmıstıq policiyası käsipkerdi wstauğa kömektesu turalı ötiniş jibergen.

Jäbirlenuşilerdiñ bergen mälimetteri boyınşa soñğı jıldarı Krımov öziniñ "jobaları" arqılı 30 mln dollardan asa qarjı tapqan. Bwdan bölek ol Ukraina jäne Belarus' territoriyasında da jwmıs istegen.

Endi alayaqtıqpen wstalğan küdikti 2018 jıldıñ 17 naurızına deyin Mäskeude qamauda boladı. Aldağı künderi, yağni qamauda otıru merzimi ayaqtalğanğa deyin Krımov Almatığa ekstradiciyalanıp, Qazaqstan sotına berilui mümkin.

“The Qazaq Times”