2018 jılğı 1 qañtardağı jağday boyınşa zeynetaqı jinaqtarınıñ jalpı soması 7,78 trln teñgeni qwradı. Söytip 2017 jıldıñ basınan beri 1,1 trln teñgege arttı. YAğni, bir jıl işindegi ösim 16,4 payızdı qwradı. Bwl turalı BJZQ-nıñ baspasöz konferenciyasında mälim boldı. 

2018 jıldıñ 1 qañtarına qaray şarttardıñ barlıq türleri boyınşa salımşılardıñ (aluşılardıñ) jeke zeynetaqı şottarınıñ (JZŞ) sanı 10,12 mln birlik, onıñ işinde mindetti zeynetaqı jarnaları (MZJ) esebinen 9,64 mln birlik boldı. Mindetti käsiptik zeynetaqı jarnaların (MKZJ) esepke alu boyınşa salımşılardıñ (aluşılardıñ) JZŞ sanı 443 mıñ birlikti, al erikti zeynetaqı jarnaların esepke alu (EZJ) boyınşa - 39 mıñ birlikti qwradı.

2017 jılı zeynetaqı jarnaları boyınşa tüsimderdiñ jalpı soması 756,5 mlrd teñge boldı. Zeynetaqı jarnalarınıñ jalpı tüsimi bir jıl işinde 8,3 payızğa ösken. 2016 jıldıñ qorıtındısı boyınşa bwl körsetkiş 698,42 mlrd teñgeni qwrağan bolatın. Mindetti zeynetaqı jarnaları boyınşa jarnalardıñ ortaşa mölşeri 15 078 teñgeni qwradı.

2017 jılı BJZQ salımşıları men aluşılarınıñ jeke zeynetaqı şottarına eseptelgen taza investiciyalıq tabıs soması 550,6 mlrd teñge boldı.Qordıñ zeynetaqı aktivteriniñ tabıstılığı 7,92 payızdı qwradı. Bwl kezeñde inflyaciya deñgeyi 7,1 payız bolğanın eske salamız.

2017 jıldıñ qañtar – jeltoqsan ayları aralığında BJZQ-dan tölengen zeynetaqı tölemderiniñ soması 211,12 mlrd teñge, onıñ işinde saqtandıru wyımdarına jasalğan audarımdar 26,06 mlrd teñge boldı. Salıstırıp qaraytın bolsaq, ötken jıldıñ säykes kezeñinde Qordan 169,69 mlrd teñge tölense, onıñ işinde saqtandıru wyımdarına jasalğan audarımdar 22,69 mlrd teñgeni qwrağan. 2017 jılı orta eseppen 1 adamğa berilgen zeynetaqı tölemderiniñ soması şamamen 576,5 mıñ teñgege jetti.

“The Qazaq Times”