2018 jılı «Nwrlı jer» bağdarlaması ayasında jeñildetilgen nesie beru üşin Twrğın üy qwrılıs jinaq bankine 24 mlrd teñge bölinedi. 

Atalğan qarajat basım bağıttı respublikalıq investiciyalar tizimine endi jäne osı jılğı byudjet ayasında qarastırılıp otır. Bwl turalı «Qazaqstannıñ Twrğın üy qwrılıs jinaq banki» AQ («Bäyterek» Holdinginiñ enşiles wyımı) Direktorlar keñesiniñ otırısı barısında aytıldı. Jinalıs Astanada «Bäyterek» holdinginiñ basşısı Aydar Äriphanovtıñ törağalıq etuimen ötti, dep habarlaydı banktiñ baspasöz qızmeti.

«Nwrlı jer» bağdarlaması byudjettik nesie türinde jıl sayın bankke 24 mlrd teñge kölemindegi qarjı böludi qarastıradı. Bwl aqşağa bank salımşıları 5% kölemindegi jeñildetilgen mölşerlememen aldın-ala jäne aralıq zaymdar ala aladı. Ol üşin Twrğın üy qwrılıs jinaq banki şotında 30% köleminde eñ tömengi alğaşqı jarna jinau qajet.

Baspasöz qızmetiniñ mälimetinşe, 2017 jıldıñ qorıtındısı boyınşa TÜQJB memleket bölgen 30 mlrd teñgeni igergen. Bwl qarjığa 3 488 qazaqstandıq otbası «Nwrlı jer» ayasında tömen bağamen üy satıp alğan.

“The Qazaq Times”