Mısır prezidenti bir kün bwrın jasağan mälimdemesinde, arab äleminde orın alğan «revolyuciyada» 1 millionnan astam adam qaza tapqanın, al infraqwrılımdıq şığındar şamamen 1 trln AQŞ dollarına juıq ekenin ayttı. Bwl turalı «Şinlañ» aqparattıq saytı habarladı.

Batıs aqparat közderiniñ mälimdeuinşe, Mısır prezidenti Halil as-Sisi osıdan bir kün bwrın öziniñ 4 jıldıq prezidenttik qızmetiniñ esebin jariyalağan. Ol sözinde «Süriya, Irak, Liviya jäne Yemen qatarlı elderde tuılğan bwl oqiğalar ülken şığınğa wşırattı. Keybir halıqaralıq baqılau nätijesi körsetkendey, infraqwrılımdıq şığındar 900 milliard AQŞ dolların qwradı, sonımen qatar, 1,4 mln adam qaza tauıp, 15 mln adam bosqınğa aynalğan», – degen mälimetterdi ayttı.

«Jerusalem Post» 15 qañtardağı sanında osı taqırıptı ayta kelip, aymaqtağı adamdar üşin «Arab köktemine» 7 jıl toluın eske aludıñ özi auır ekenin jazğan. Atalğan basılım BBC-ge silteme jasay otırıp, Tunisti «Arab kökteminiñ» «jemisi» retinde körsetedi. Onda jastardıñ jwmıssızdıq deñgeyi 35 payızğa deyin köterilgen. Tunis diktaturanı qwlatıp, demokratiyanı jaqtaytın ükimet qwrdı. Alayda, eldiñ jalpı işki önim qwnı qwldırap ketken. Orta-Tayau şığıs elderine osınşalıq auır şığın äkelgen «Arab köktemin» Batıs elderi äli de nasihattay ma?

“The Qazaq Times”