Foto: Astana Aqşamı

2018 jıldıñ 1 şildesinen bastap Qazaqstan zeynetkerleriniñ bazalıq zeynetaqısı olardıñ jwmıs ötiline baylanıstı tağayındalatın boladı. Bwl turalı QR eñbek jäne äleumettik qorğau ministri Tamara Düysenova mälimdedi. 

Vedomstvo basşısınıñ sözinşe, qazirgi kezde zeynet jasına jetken barlıq twlğalardıñ bazalıq zeynetaqısı tapqan jalaqısına qaramastan eñ tömengi künköris deñgeyiniñ 54%-ın qwraydı nemese 12 mıñ teñge şamasında.

"Endi 2018 jıldıñ 1 şildesinen bastap bazalıq zeynetaqı eñbek ötiline baylanıstı tağayındaladı. YAğni 20 jıl jwmıs ötili bar zeynetker eñ tömengi künköris deñgeyiniñ 74%-ın aladı. Bwl jwmıs ötili 10 jıldı qwraytındardıñ zeynetaqısınan 20%-ğa joğarı. Al jwmıs ötili 33 jıldan asqandardıñ zeynetaqısı eñ tömengi künköris deñgeyiniñ 100%-ın qwraydı nemese şamamen 85 dollardan asadı", - dedi Düysenova.

Ayta keteyik, Qazaqstanda 2018 jıldıñ 1 qañtarınan bastap eñ tömengi künköris deñgeyi 28 850 teñgeni qwradı. Al soñğı mälimetter boyınşa, Qazaqstannıñ zeynetaqı qorında 7,67 trln teñge jinalğan.

“The Qazaq Times”