QR eñbek jäne äleumettik qorğau ministri Tamara Düysenova Almatı qalalıq avtobustarında zañsız jwmıs istep jürgen konduktorlarğa qatıstı mäseleni jeke özi qadağalaytının ayttı. Ministrdiñ sözinşe, bwl mäsele ükimet deñgeyine deyin köterilgen. 

"Konduktorlardıñ eñbek kelisimi - bwl bügin ükimet otırısında qaralğan mäselelerdiñ biri. Saual jürgizu kezinde bwl twlğalar naqtı konduktor bolıp jümıs isteytinderin, biraq aqşaların konvertte alatının, eşqanday qarjı audarımdarın jasamaytındarın aytqan. Bwl mäseleni men öz baqılauıma alamın, biraq kez kelgen wyımdı tekseru üşin azamattardıñ ötinişi kerek", - dedi Düysenova ükimet otırısınan keyingi brifingte.

Onıñ sözinşe, eñbek inspekciyasımen birge jwmıs beruşilerge "jeke eñbek kelisimi jasalmağan jağdayda äkimşilik jauapqa tartılatını, tipti qılmıstıq is qozğalatını" turalı eskertu jasalu kerek eken.

Ministr tüsindirgendey, eger jwmıs beruşi  eñbek kelisimin jasamağan bolsa, aldımen jwmısşıların äleumettik kepildikten ayıradı. YAğni jwmısşı jwmıssız qalsa jwmıssızdığına qatıstı beriletin järdemaqıdan, al äyel-konduktorlar bolsa dekrettik tölemderden ayırıluı mümkin.

"Osığan baylanıstı jwmıs beruşi jwmısşılarmen qalayda kelisim jasap olarğa jalaqı töleui kerek, al eger olardıñ avtobus pen tramvaydağı jwmısına qatıstı basqaşa wsınısı bolsa onı tüsindirui tiis", - dedi Düysenova.

Ayta keteyik, bwdan bwrın Almatı qalası maslihatınıñ deputatı Roza Badaeva qala avtobustarındağı konduktorlardıñ dörekiligimen qosa, avtobus parkterinde "uaqıtşa jwmıs izdep jürgen kez kelgen adam jwmıs isteytini" turalı aytqan. Onıñ sözinşe, konduktorlar jolauşılarğa qızmet körsetuge qatıstı kurstardan ötip, zañdı jwmısşı retinde tirkelu kerek.

“The Qazaq Times”