2017 jılı 2 millionnan astam zeynetkerdiñ zeynetaqı kölemi 20%-ğa deyin artqan. Al olardıñ zeynetaqı tölemderine bağıttalğan qarajattıñ jalpı kölemi 1,6 trln teñge boldı. Bwl turalı QR Eñbek jäne halıqtı äleumettik qorğau ministrliginiñ resmi saytında habarlandı. 

Tarağan aqparat boyınşa, endi 2018 jıldıñ 1 qañtarınan bastap ıntımaqtı zeynetaqı  8%-ğa, bazalıq zeynetaqı 6% -ğa östi.

"2018 jıldıñ 1 şildesinen bastap 1998 jılğı 1 qañtarğa deyingi eñbek ötilin jäne 1998 jılğı 1 qañtardan keyingi jinaqtauşı zeynetaqı jüyesine qatısu merzimin eskere otırıp, bazalıq zeynetaqını tağayındau ädisin özgertu josparlanuda. Mwnday özgeris bazalıq zeynetaqınıñ ösimin orta eseppen 1,8 esege deyin wlğaytuğa mümkindik beredi. Osığan oray, 2018 jılı 1 şildeden bastap  zeynetaqınıñ ortaşa mölşeri bazalıq zeynetaqını eskergende şamamen 82 mıñ teñgeni qwraytın boladı", - delingen baspasöz habarlamasında.

Sonday-aq, biıl azamattardı zeynetaqımen qamsızdandıru üşin 1,9 trln teñgeden asa qarajat qarastırılıp otır.

Translated to Nazerke Syundyukova

“The Qazaq Times”