Foto: pl.sputniknews.com

Duşanbe türmeleriniñ birinde bir top twtqın täjik-auğan şekarası arqılı esirtki tranzitin baqılap otırğan. Bwnı Täjikstan arnayı qızmeti anıqtap, qazirgi kezde olarğa qatıstı qılmıstıq is qozğalğan.

Tarağan mälimetke qarağanda jazasın ötep jatqan eki täjik azamatı men bir auğandıq azamat şekarada täjik küzetşilerimen atısıp, Auğanstan kontrabandasımen baylanısqa şıqqan.

Ortalıq Aziya jañalıqtar qızmetiniñ mälimetinşe, 2017 jılğı 2 jeltoqsanda Şamsiddin Şohin audanındağı taulı eldimekende qarulı qaqtığıs bolğan. Onda 12 qarulı adam şekaradan zañsız ötpek bolıp saldarınan  tört täjik sarbazı jaralanıp, polkovnik Hayriddin Ahtamov qaza taptı.

Tergeu isine jaqın derekközdiñ habarlauınşa, türmede otırğan bir top twtqın wyalı telefon arqılı esirtki saudasın baqılap otırğan. Auğan kontrabandası täjikstandıq esirtki saudasımen aynalısatındarğa 33 keli esirtki bermek bolğan.Twtqınnıñ üşeui de bwrın esirtki saudası üşin jazaların ötep jatqan. Endi olarğa qatıstı jañadan is qozğaldı.

Täjikstan İİM baspasöz hatşısı Umardjoni Emomalidiñ sözinşe, "jükti" alu kerek bolğan täjik azamatı izdestirilip jatır. Onıñ üstine esirtki saudasımen aynalısatındardı tabu oñayğa soqpaytın körinedi . Sebebi olar özge adamnıñ atına tirkelgen sim-karta paydalanadı.

“The Qazaq Times”