AQŞ pen Türkiya prezidentteri. Foto: Centre for Turkey Studies.

Tayauda AQŞ pen Türkiya ekijaqtı qarım-qatınastarın qalpına keltiretinin mälimdep, 3 ayğa jalğasqan «viza dağdarısı»  şeşimin taptı. Alayda,  AQŞ-tıñ Memlekettik departamenti jariyalağan mälimetterdiñ biri Ankaranıñ küşti narazılığın qozğadı. Oğan qosa, Türkiyanıñ Reseyden S-400 äue qorğanıs qwrılğıların satıp aluı, Qwrama Ştattıñ alañdauşılığın tuğızdı. Bwl turalı «Şinhunıñ» resmi saytı habarlağan edi.

2017 jılı 28 jeltoqsanda eki jaq özara qarım-qatınastı jan-jaqtı qalpına keltiretinin mälimdedi. AQŞ Memlekettik departamentiniñ mälimdemesinde «Türkiya jaq tötenşe jağadaylar kezinde amerikalıq diplomatiyalıq qızmetkerlerdi twtqındaudan bwrın, Uaşingtonğa qwlaq qağıs etu kerek» delingen. Bwl Türkiyanıñ AQŞ-ta twratın bas elşiliginiñ küşti qarsılığına wşıradı. Ankara jaq bwl şeşimdi «tüsinbestik tudıratın bastama» dep bağaladı.

«Viza dağdarısı» – eki el arasındağı kelispeuşilikterdiñ eñ şarıqtau şegi. AQŞ Memlekettik arnasınıñ (NBC), 2017 jıldı köp jıldıq odaqtas AQŞ pen Türkiya baylanıstarındağı eñ bir «bılıqpalıqqa tolı jıl» dep bağalağan. Aytalıq, eñ aldımen AQŞ jaq Türkiyanıñ Fethollah Gülendi ekstradiciyalau turalı ötinişin qabıldamadı. Sonımen birge, Süriyadağı kürd qarulı küşterin aşıq qoldaytının bildirdi. Bwl Türkiyanıñ müddesine qayşı keldi. Jıldıñ soñğı aylarında AQŞ-tağı türkiyalıq milliarderler sottaldı. Al, Donal'd Tramptıñ Ierusalim turalı şeşimderi jağdaydı tipti de uşıqtırıp jiberdi.

NBC-diñ saraptauınşa, 2019 jılğı saylaudan keyin de Erdoğan bilikte qala berse, onda eki el arasındağı şielenis jalğasa bermek.  «The Washington Post» basılımınıñ aytuınşa, «viza dağdarısı» AQŞ pen Türkiya arasındağı sayasi teke-tiresteriniñ bir böligi ğana. Eki el arasındağı qarım-qatınas salqınday bastağanda ,Türkiya men Resey arasındağı barıs-kelis jaqsarıp tıñ beleske köterilgen.

AQŞ-tağı “Daily Massage” saytında saraptauınşa, 2018 jıl AQŞ pen Türkiya qarım-qatınasındağı mañızı zor bir jıl bolmaq. Donal'd Tramptıñ Ierusalim jaylı qabıldağan şeşimi jağdayğa keri äserin tigizedi. Qazir eki el arasındağı eñ kürdeli mäsele Siriyadağı kürd qarulı küşteri jäne Gülendi Türkiyağa qaytaru mäselesi. Degenmen, AQŞ-Türkiya qatınasınıñ tarihınan alıp qarasaq, eki eldiñ müddelik baylanıstarı äli de öziniñ mañızdılığın joğalta qoyğan joq.

Alğıs SERİK

“The Qazaq Times”