Resey prezidentiniñ Vladimir Putinniñ Resey äskerlerin Süriyadan şığaru şeşimine AQŞ qorğanıs ökilderi kümänmen qaraydı. Osı aptanıñ bas şeninde Pentagon jariyalağan mälimette Putinniñ mwnday şeşimi osıdan bwrında aytılğanın, biraq Süriyadan äsker şığaru isiniñ naqtı äreket jüzinde jüzege aspay kele jatqanın aytqan edi. Bir kün bwrın Pentagon ökilderi AQŞ äskerleri Süriyada qalatının jariya etti. Bwl turlı «Şinhuanıñ» resmi saytı habarladı.

Pentagon mälimdemeşisi sözinde: «Reseydiñ Süriyadan äskerlerin şığaru şeşimi, naqtı is jüzinde orındalıp otırğan joq. Sondıqtan AQŞ-tıñ Süriyadağı äskeri qadamdarına äser etpeydi», – dedi. AQŞ lauazımdılarınıñ biri: «Putin äskerlerin simvoldıq twrğıda ğana şığaruı mümkin. Ol tek keybir äskeri küşterin ğana Süriyadan alıp ketip, Qwrama Ştat äskerleriniñ sol elden ketuin talap etpek», – degen pikirin aytqan.

Ötken aptada AQŞ qorğanıs küşteri jariyalağan mälimette, AQŞ äskerleri qajetti jağdayda Süriyada qalatının, «IM» terrorlıq tobına qarsı küresti jalğastıratının, «jihadşılardıñ» qayta bas kötere almaytınına köz jetkizgenge deyin ondağı äskeri qadamdardıñ jalğasatının aytqan edi.

Pentagon mälimdemeşisi Adrian Rankin sözinde: «Koaliciya küşteri eldegi küresti jalğastıra beredi. Jergilikti qarulı küşterdiñ terrorizmge qarsı küresine qoldau körsetip, «IM» küşterine qarsı küresedi. Terrorlıq toptardan tazartılğan aymaqtağı twrğındardı qorğap, bosqındardı mekenderine qaytaratın boladı», – dedi.

“The Qazaq Times”