57 mwsılman memleket AQŞ-tıñ Ierusalim turalı şeşimin zañsız dep taptı

Älemdegi 57 mwsılman memleket AQŞ-tıñ Ierusalimdi Izrail'diñ astanası dep moyındau turalı şeşimin zañsız dep tauıp, Şığıs Ierusalimdi Palestinanıñ ortalığı dep tanudı talap etti. Osıdan bwrın Palestinanıñ Prezidenti Mahmwd Abbas BWW-dan mäseleniñ şeşimin öz qolına aludı swrağan bolatın. Bwl turalı VVS aqparattıq agenttigi jazdı. 

Islam Intımaqtastığı wyımınıñ bas qosuında Mahmwd Abbas AQŞ Izrail'di qoldaytının aşıq körsetkennen bastap, Tayau Şığıstağı beybit kelisimderde mediator qızmetin atqara almaytının ayttı. "Palestinalıqtar Tramptıñ äkimşiligimen "ğasır kelisimine" qol jetkizu üşin senim artıp, nätijesinde Amerikadan "ğasır şapalağın" aldı", -dedi ol.

Türkiya Prezidenti Rejep Tayıp Erdoğan mwsılman memleketterinde Donal'd Tramptıñ şeşimine qarsı bolıp ötken köterilisterdi atap ötip, Islam Intımaqtastıq wyımınıñ jiını AQŞ-tı toqtatuğa jasalğan qadamdı küşeytudiñ amalı ekenin ayttı.

VVS tilşisiniñ pikirinşe, Saud Arabiyası men Egipet siyaqtı memleketter Islam Intımaqtastığı wyımınıñ jiınına öz ökilderin AQŞ-tı qoldau üşin ğana jibergen. Izrail'diñ Prem'er-ministri Benjamin Netan'yahu Tayau Şığıstağı beybit kelisimderde AQŞ-tıñ ornın basatın eşkim joq ekenin aytıp, uaqıtı kelgende barlıq memleketter aqiqattı moyındap, öz elşilikterin Ierusalimge köşiretinine senim bildirdi. Ol sonday-aq, palestinalıqtardan şındıqtıñ betine tura qarap, ekstremizmden aulaq boludı, beybitşilikti qoldaudı ötindi.

“The Qazaq Times”