Süriyadan Auğanstanğa qaşıp barğan «Islam memleketi» lañkestik wyımı Özbekstan men Türkimenstan şekarasına jaqın audandarda jaña äskeri oqu-jattığu lager'lerin qwruda - dep habarlaydı AFP aqparat agenttigi.

Auğanstannıñ Özbekstan jäne Türkimenstanmen şektesetin Darzab audanınıñ basşısı Baaz Mwhammad Dovardıñ sözinşe, Süriyadan qaşqan «Islam memleketi» terrorlıq wyımınıñ Ortalıq Aziya, Şeşenstan, Arab elderi, Franciya jäne Soltüstik Afrikadan şıqqan müşeleri Auğanstannıñ soltüstik audandarında toptasıp, jaña äskeri oqu-jattığu lager'lerin qwruda. Darzab audanına qarasıtı Darzaba aulınıñ twrğındarı audan biligine auıldan 100 metr jerde belgisiz 200-ge juıq adamnıñ lager' qwrıp jatqandığın aytqan. Keyinnen olardıñ basım köpşiligi Özbekstan men Şeşenstan azamattarı ekendigi anıqtalğan. Biraq bir qızığı el biligi äli küş ala qoymağan az ğana terrorister tobına qarsı eşqanday küş qoldanbağan.

Bwğan deyin Pentagon «Auğanstan aumağında «Islam memleketi» lañkestik wyımınıñ 1000-nan astam sodırı bar. Biraq olardıñ sanı kün ötken sayın sırttan kelip jatqan adamdarmen tolığuda. Bwl atalmış wyımnıñ Soltüstik Auğanstanda jaña halifat qwruğa talpınıs jasauınıñ bası boluı mümkin» - degen aqparat taratıp, Auğanstan aumağındağı äsker sanın köbeytken. Al jeltoqsan ayınıñ 11-i küni Resey Federaciyasınıñ Sırtqı ister ministri Sergey Lavrov: «Ortalıq Aziya elderi Auğanstan mäselesin şeşuge atsalısuı tiis» dep mälimdegen.

“The Qazaq Times”