Japoniya ükimeti alğaş ret zımıran tehnikalardı satıp aludı josparlap otırğanın bildirdi. Bwl zımırandar Soltüstik Koreyanıñ mañızdı äskeri bazalarına alıstan şabuıl jasau mümkindigi bar. Sonımen birge, Japoniya ükimeti bwl qadamdı Soltüstik Koreyadan keletin yadrolıq qauipten qorğanu üşin jasağalı otırğanın alğa tarttı. Bwl turalı «WSJ» basılımı habarladı.

Japoniya ükimetiniñ ötken aptanıñ soñında jariyalağan mälimetinde, Lockheed Martin Co. (LMT) kompaniyasınıñ zımırandarın qamtığan bwl  satıp alu isine AQŞ prezidenti Donal'd Tramp ta kelisim bergeni turalı aytılğan. Tramp qaraşa ayında Tokio saparı kezinde Japoniya ükimetin AQŞ-tan qaru-jaraq satıp aluğa şaqırğan.

Japoniya ükimeti taratqan mälimette, aldağı jıldıñ byudjet josparında 19 mln AQŞ dolların, japondıq F-35 wşaqtarına Norvegiyada jasalğan Joint Strike Missile (JSM) zımıranın satıp aluğa jwmsalatını aytılğan.  Bwl zımırandardıñ wşu aralığı 300 mil'ge deyin jetedi. Eldiñ Qorğanıs ministrligi sonday-aq, F-15 soğıs wşaqtarın jöndeu, qalpına keltiru jwmıstarına da qarjı bölip, olardı «Lockheed Martin» äzirlegen kruizdik zımırandarmen jabdıqtamaq. Bwl türdegi zımırandardıñ wşu aralığı 620 mil'ge deyin jetedi. YAğni, Japoniya tarabı soğıs wşaqtarı arqılı Soltüstik Koreyanıñ zımıran qauipterine qarsı twra aladı, äri äskeri bazalarına alıstan şabuıl jasay aladı.

Baspasöz mäjilisi kezinde jurnalister Qorğanıs ministrliginiñ ökilinen bwl zımırandardıñ Soltüstik Koreyağa qaratıla qoldanıluı mümkin be degen swraqtar qoyğan. Japoniya qorğanıs ökilderi bwğan: «Tikeley wlttıq qauipsizdikke qater töngen jağdayda nemese diplomatiyalıq joldar jabılıp, qarulı küş qoldanu şeşimi birauızdan qwptalğan jağdayda qoldanıluı mümkin. Al, qazir bwl bizdiñ qauipsizdikti qamtamasız etu üşin jasalğan şaralar», – degen jauabın bergen.

“The Qazaq Times”