BWW-nıñ Qauipsizdik Keñesi AQŞ-tıñ Ierusalimdi Izrail'diñ astanası dep moyındauına baylanıstı kezekten tıs jiın ötkizdi. Amerikanıñ Palestina men Izrail' arasındağı qaqtığıstardıñ qayta jandanuına sebep bolğan şeşimin älemdik deñgeyde talqılaudı Qauipsizdik Keñesiniñ  müşeligine kirmeytin 14 memlekettiñ 8-i qoldağan. Bwl turalı AFP aqparattıq agenttigi jazdı. 

BWW-nıñ Tayau şığıstağı beybitşilik mäseleleri boyınşa ökili Nikolay Mladenov AQŞ-tıñ älem elderiniñ eskertuine qaramastan qabıldağan asığıs şeşimi öñirdegi twraqtılıqtı bwzuı mümkin degen alañdauşılıq bildirdi.

AQŞ-tıñ BWW-dağı elşisi Nikki Heyli Donal'd Tramp Palestina men Izrail' arasında ondağan jıldar boyı şeşimin taba almay kele jatqan şekara mäselesiniñ soñğı nüktesin qoyuğa alğaşqı qadam jasağanın aytadı. Amerikalıq ökil Izrail' Ükimeti men Parlamentiniñ Ierusalimde otırğanınıñ özi bwl qalanıñ astana atanuğa äbden qwqılı ekenin körsetetinin atap ötti. "Men bügingi bas qosuğa jinalğan azamattardıñ alañdauşılığın tüsinemin. Özgerister  qaşanda kürdeli", - dedi Nikki Heyli.

“The Qazaq Times”