Yemenniñ bwrınğı basşısı äri Halıq Kongresiniñ törağası Ali Abdullah Salihtıñ öltirilgeni rastaldı. Eldiñ bwrınğı basşısınıñ kölik kerueni sol eldegi qarulı belsendiler jağınan şabuılğa wşırap, Ali Abdullah Salihqa 30-dan astam oq tiip ölgen. Bwl turalı «Şinlañ» aqparattıq saytı habarladı.

Bir kün bwrın Halıq Kongresiniñ ökilderiniñ biri atalğan mälimetti rastağan, äri Salihtıñ housit qarulı toptarı jağınan öltirilgenin mälimdedi. Sol küni tañerteñ qarulı top Salihtıñ üyine basıp kirip, qarular men zattardı tonağan, keyin üydi bombamen jarıp jibergen. Salihtı üyinen taba almağan qarulı top, onı Sana qalasınıñ oñtüstiginen 40 şaqırım qaşıqtıqtağı tuğan auılına bara jatqan jolda ol otırğan kölik keruenin toqtatadı. Janındağı adamdarmen birge Salihtı atıp öltirgen.

Ali Abdullah Salih Yemende 1978 jıldan 2012 jılğa deyin bilik jürgizdi. Housitter Salihpen üş jıl odaqtas bolğan. 2015 jılı housitter eldiñ bilik tizginin qolğa alğan. Ali Abdullah Salihtı Sauda Arabiyasımen keliskeni üşin öltirgen.

“The Qazaq Times”