Almatı oblısı Talğar qalasında  QR Bilim jäne ğılım vice-ministri Bibigül Asılovanıñ qatısuımen "Orta bilim berudi jan basına qarjılandıru " jobasınıñ prezentaciyası ötti. Sonday-aq, tanıstırılımğa "Qarjı ortalığı" AQ prezidenti Asqar Ibragimov jäne Almatı oblısı Talğar qalası mektepteriniñ direktorları qatıstı.

Jan basına şaqqandağı qarjılandıru 2018 jılı kolledjderde, al 2019 jılı mektepterde pilottıq joba türinde engiziledi. Bwl bağdarlama bäsekelestik pen mektep jäne oqu bağdarlamasınıñ sapasın arttıruğa bağıttalğan. Negizi joba 2012 jıldıñ qırküyeginen bastap qolğa alına bastağan. Al 2013 jıldıñ 30 qazanında ädisteme BĞM-nıñ №440 bwyrığımen bekitilip, sol jıldan bastap pilottı joba retinde engizildi. Qazirgi kezde Qazaqstan boyınşa 73 mektepte pilottı joba retinde jüzege asırılğan.

Jan basına şaqqandağı qarjılandıru jobası engizilgen meketepterdiñ  işinde Almatı oblısı Talğar qalasındağı №5,14,16,49 mektepteri bar.

«2020-2021 jıldan bastap eldegi barlıq tolıq jabdıqtalğan mektepter jan basına qarjılandıru jüyesine ötedi. Sebebi biz mektepterdegi ädistemeni birizdi etuimiz kerek. Mäseleler bolsa, şeşu joldarın qarastırıluı kerek. Sondıqtan, Talğar audanı mektepteriniñ wjımımen kezdesu ötkizip jatırmız», - dedi vice-ministr Bibigül Asanova.

Al jalpı jobanı engizudiñ negizgi alğışarttarı mınalar:

  • Mwğalimge eñbekaqı töleudiñ jaña jüyesi. YAğni wstazdıñ jwmıs ötiline, kategoriyasına qaramastan onıñ barlıq bilim beru qızmetinde üzdik nitijeler körsetkeni üşin sıyaqı töleu;
  • Bwdan mwğalim öz eñbeginiñ şınayı bağalanatının köredi;
  • Jan basına şaqqandağı qarjılandıru mektepte jas, darındı mwğalimderdi tartuğa mümkindik beredi. Mwğalimderge özin özi damıtuğa mümkindik tuadı.
  • Sonday-aq, jan basına şaqqanda qarjılandıru jobası engizilgenge deyin sapa boyınşa direktor küresetin bolsa, endi mektep äkimşiligi de sapanı arttıruğa at salısadı.

Jobanı tanıstırğan "Qarjı ortalığı" AQ prezidenti Asqar Ibraimovtıñ sözinşe, bwl jobanı engizbes bwrın halıqaralıq täjiribeler qarastırılağan. Sondıqtan mwnı jaña jüye emes, bilim berude jasalıp otırğan jaña qadam dep atau kerek. Sebebi bwl joba älemde tanımaldıqqa ie.

"Jobada mwğalim öziniñ eñbekaqısına baylanıstı qanday ayırmaşılıq bolğanın kördi deuge boladı. Mekteptiñ qamqorşılar keñesi de jwmısqa belsendi kirisip, direktordıñ mwğalimder turalı analizine qızığuşılıq tanıta bastadı. Tipti mektepter arasında bäsekelestik payda boladı jäne ärkim jetistikke jetuge talpınadı. Är mwğalim jaña nätijege jetuge motivaciya aladı" - deydi Ibraimov.

Al Talğar qalasındağı №49 mekteptiñ direktorı Almagül Asanova bolsa alğaşqı jıldarı jobanı birden bastap ketu qiın bolğanın aytadı. Sebebi alğaşında milliondağan qarjı bölingendikten, onı ornımen jwmsau bastı mindet bolğan.

"2013 jılı jospardı orındau maqsatında mekteptegi jetistiker eskerile otırıp, 24 mwğalimge qosımşa ıntalandıru sıyaqısı berildi. Bwğan qalğan mwğalimderdiñ de qızığuşılığı arttı. Sebebi qosımşa qarjı eşkimge artıq bolmaydı. Osılay wjımdağı wstazdardıñ şığarmaşılığı arta bastadı", - deydi Asanova.

“The Qazaq Times”