Foto: Pikabu

Almatı qalasındağı Furmanov köşesine Nwrswltan Nazarbaevtıñ atı beriletin boldı.

Qaraşa ayınıñ 30-ı küni Almatı qalalıq mäslihat otırısında qalalıq onomastikalıq komissiya men respublikalıq onomastikalıq komissiya kelisimi boyınşa, el ükimeti Almatı qalasınıñ bastı köşeleriniñ birine Nwrswltan Nazarbaevtıñ atın beruge şeşim şığarğan.

Osığan baylanıstı Almatı qalasınıñ äkimi Bauırjan Baybek mäslihat otrısında söylegen sözinde: «Qalalıq onomastikalıq komissiyağa şaharda birneşe ret qaytalanğan 112 köşeniñ atın özgertu turalı wsınıs jasaldı. Atalmış köşelerdiñ atı özgeretin bolğannan keyin, qala twrğındarı, ziyalı qauım ökilderi, jeke twlğalar, jastar, qalanıñ bastı köşeleriniñ biri  Furmanov köşesine elbasımız Nwrswltan Äbişwlı Nazarbaevtıñ atımen ataudı swrap ötiniş jasadı» - degen.

Biraq bwl Almatı qalası halqı üşin asa ülken jañalıq emes. Öytkeni şahar twrğındarı arasında osında birneşe jıl bwrın Furmanov köşesine Nazarbaevtıñ atın beredi eken degen alıpqaşpa äñgime tarağan bolatın.

“The Qazaq Times”