Oñtüstik Koreyada bolğan 5,4 balldıq jer silkinisi saldarınan 50 adam jaraqattanıp, 1 mıñ 500 adam uaqıtşa lager'lerge jetkizildi. Eldiñ oñtüstiginde tirkelgen tabiğat apatı 9 km tereñdikte bolğan jäne el astanası Seuldi qosı alğanda, birqatar eldi mekender men iri qalalardı qamtığan. Ministrliktiñ mälimetinşe, oqıs jağdaydan 1100 twrğın üy men 100 mektep zardap şekken. 

Qaza tapqandar turalı rastalğan aqparattı joqtığı quantqanımen, resmi derekter 57 adamnıñ ärtürli deñgeydegi jaraqat alıp, 1 536 twrğınnıñ öz üylerin tastap ketuge mäjbür bolğandarın jetkizdi. Bwl 2016 jıldıñ qırküyek ayında oñtüstik-şığıstağı Kendju qalasında bolğan 5,8 balldıq jer silkinisinen keyin qaytalanıp otırğan ekinşi apat.

Äleumettik jelilerde qirağan üyler men jan wşıra ayqaylap, jan-jaqqa jügirgen halıqtıñ, oqu ornındağı studentterdiñ videoları köp qaralıp jatır. Azamattardıñ jeke basınıñ qauipsizdigin qamtamasız etu maqsatındağı el Ükimeti osı beysenbi küni ötetin jalpıhalıqtıq emtihandı bir aptağa keyin şegerdi.

Körşiles Japoniyamen salıstırğanda, Oñtüstik Koreyada seysmikalıq qozğalıstar az bolatınına qaramastan, jerastı dümpuleri ünemi jiti qadağalauda. Öytkeni jer silkinisi ädette Soltüstik Koreya yadrolıq qaru qoldanğannan keyin boladı.

“The Qazaq Times”