AQŞ prezidenti Donal'd Tramp keşe, jwma küni, Aziya-Tınıq mwhitı ekonomikalıq ıntımaqtastıq forumına (Asia-Pacific Economic Cooperation, qısqaşa ATES) qatısqan kezde Qwrama Ştat wlttıq ekonomikanı jäne kommerciyalıq qwqıqtarın joğarı deñgeyde qorğaytının, oğa qosa ekonomikağa twsau salatın köpjaqtı kelisimderge qol qoymaytının mälimdedi. Bwl turalı «WSJ» basılımı habarladı

Tramp ATES otırısındağı 21 eldiñ biznes köşbasşılarımen kezdesu kezinde, Jahandıq sauda jüyesi jäne Düniejüzilik sauda wyımı siyaqtı tiisti erejelerdi jasaytın wyımdar Qwrama Ştattar üşin ädiletsiz şeşimder şığarıp otırğanın ayttı. Ol tağı sözinde Qwrama Ştattardı bwl atalğan wyımdardan bas tartuğa mäjbür etpeuin swradı.

Tramp sözinde Ündi jäne Tınıq mwhit aymağındağı elderdiñ arasında AQŞ-pen seriktes bolğısı keletin jäne saudadağı ädildik pen özara qarım-qatınas qağidasına bağınatın kez kelgen elmen eki jaqtı sauda kelisimşarttarına qoya alatının aytıp ötti.  Alayda, elderdiñ egemendigine, erkindik pen ädilettilikke qayşı kelisimderden bas tartatının da ayttı.

Tramptıñ saudadağı perspektivası konferenciyağa qatısuşı özge 20 eldiñ arasındağı sauda baylanısına da äser etui mümkin dep boljaydı mamandar. Osıdan bwrın, «Ülken jetilik» nemese «G20» elderi basşılarımen kezdesu kezinde de, Tramp olarmen pikir birligine kele almap edi.

“The Qazaq Times”