Qazaqstanda ekonomika ösimi 2017 jılı 3,8%-ğa, 2018 jılı 3,5%-ğa ösui mümkin. Mwnday boljamdı Europalıq qayta qwru jäne damu banki jasap otır. 

Banktiñ aqparatına qarağanda, mwnday boljamnıñ jasaluı mwnay öndirisiniñ artuımen jäne bağanıñ qalıptı boluımen, naqtı kiristiñ qayta qalpına keluimen, sonday-aq, qwrılıs salasınıñ, auıl şaruaşılığınıñ jandanuımen baylanıstı.

Ayta keteyik, EQDB osı jıldıñ mamır ayında Qazaqstannıñ jalpı işki önimi 2,4% deñgeyinde boladı dep boljağan. Degenmen bank inflyaciya 6-8% deñgeyinde saqtaladı dep otır.

"EQDB eksporttıñ ösuine, investiciyalardı qalpına keltiruge jäne şikizat bağasınıñ nığayuına baylanıstı 2017 jılğı ekonomikalıq ösim boljamın qayta qaradı. Al bwl jağdaydıñ qayta  qalpına keluine ıqpal etedi. EQDB osı jılğı ekonomikanıñ ösu qarqının 3,3% deñgeyinde boljap otır, bwl osı jıldıñ mamır ayında jariyalanğan boljamnan 0,9%-ğa, 2016 jılğıdan 1,9%-ğa joğarı", - delingen bank habarlamasında.

Ayta keteyik, bwdan bwrın QR Prem'er-ministri Baqıtjan Sağıntaev dağdarıstan keyin Qazaqstan ekonomikasınıñ jekelegen sektorlarında ösim bayqala bastağanın aytqan edi. Onıñ sözinşe, endi 2021 jılğa qaray memlekettiñ ekonomikalıq ösimi 5,5%-ğa jetui kerek.

“The Qazaq Times”