Foto: Moncame

Wlan-Batırda kezekti qazaq-moñğol biznes kezdesui öz märesine jetti – dep habarlaydı Moncame aqparat agenttigi.

Moñğoliya astanası Wlan-Batır qalasında osımen ekinşi ret ötken qazaq-moñğol biznesmenderiniñ kezdesuin bwl jolı Qazaqstan elşiligi, Moñğoliya wlttıq sauda-öndiristik palatası jäne «KAZNEX INVEST»  eksport jäne investiciya agenttigi wyımdastırğan. Qazaqstannıñ Moñğoliyadağı elşisi Qalıbek Qoblandinniñ sözinşe, qazaq-moñğol qarım-qatınasınıñ damuına infraqwrılım mäselesi kedergi bolıp twr. Bwl mäseleni şeşu üşin qos tarapqa EAEO elderiniñ kömegi qajet. Al Qazaqstan men Moñğoliyanıñ turizm salasın damıtu üşin eki eldi baylanıstıratın äue, kölik jäne temir jol reysterin köbeytu kerek.

Qazirgi tañda Moñğoliya Qazaqstannan auıl şaruşılığı tehnikaların importtaydı. Soñğı statistikalıq mälimetterge süyenetin bolsaq, biıl eki el arasındağı sauda aynalımı 29 million dollardı qwrağan. Al osı jolğı biznes kezdesudiñ qorıtındısı boyınşa, qwnı 13,3 million dollardı qwraytın qwjattarğa qol qoyılğan.

“The Qazaq Times”