AQŞ-tıñ 2016 jılğı prezident saylau isin tekseruge qatısqan Kongress müşesi särsenbi küni mälimdeme jasap, reseylik wyımdardıñ Facebook Inc. kompaniyasınan satıp alğan jarnamaların jariya etudi josparlap otırğanın ayttı. Bwl turalı «Washington Post» basılımı jazdı.

Habarğa säykes, AQŞ Kongress ökilderi reseylik wyımdar  Facebook äleumettik jelisi arqılı AQŞ ükimetiniñ zañdarı men jaña erejelerine qarsı qoğamdıq pikir tuğızıp otır dep qaraydı. Resey ükimetine qızmet etetin osı FB qoldanuşıları jürgizip otırğan jarnama paraqşaların tekserip, barlıq jeli qoldanuşılarğa aşıq äşkereleu kerek dep qaraydı.

Ökilder palatasınıñ Barlau jönindegi komitetiniñ törağası, Tehas ştatınıñ ökili Mayk Konuey tergeuge jetekşilik etti. Ol joğarıdağı wsınıstı mümkindiginşe tezirek atqarudı aytuda. Al komitettiñ eñ ülken demokratiyalıq müşesi jäne Kaliforniya Ökilder Palatasınıñ müşesi Adam Şiff Facebook-ke wsınıs jasap, ondağı jeke twlğalarğa qatıstı aqparattardı tazalap bolğannan keyin, Resey wyımdarınıñ satıp alğan jarnamalarınıñ barlığın jariyalaudı wsınıp otır.

Bwl eki lauazımdı twlğa keşe Facebook kompaniyasınıñ bas operaciyalıq direktorı Şeril Sandbergpen kezdesti. Olar ortaq aqıldasa kele, köp wzamay atalğan jarnama mazmwndarın barlıq jeke qwqıqtardı saqtau arqılı amerikalıq twtınuşılarğa äşkerelemek.

“The Qazaq Times”