Jüldeli üşinşi orın "Mwnayşılarğa" bwyırdı. Foto: "Wştas" viçat blogınan.

1-2 qazan künderi Qıtay ortalıq qalası Beyjiñdegi Ortalıq Wlttar Universitetinde, Qıtaydağı qazaq jastarınıñ dästürli «Wştas» (Ushtas) futbol jarısı bolıp ötti. Atalğan jarıs osımen 15-şi ret ötkizilip otır.

«Wştas» futbol kubogınıñ tarihı 90-şı jıldardıñ bas şeninen bastalğan. Alğaş ret Beyjiñdegi student qazaq jastarınıñ wyımdastıruımen ötkizilgen. Atında aytılğanınday qazaq jastarınıñ «wştasu» tileginen tuındağan. Qazirgi kezde atalğan jarıs Ortalıq Wlttar Universitetiniñ Qazaq tili fakul'tetiniñ bitiruşi tülekteriniñ wyımdastıruımen ötip keledi.

Wştas koncerttik keşi.

Är jılı 1 qazan Qıtaydağı respublika künine oray bir aptalıq demalısta, Qıtaydıñ ärbir qalalarındağı qazaq jastarı ortalıq qalası Beyjiñge jinalıp, «Wştas»-ta wştasıp jatadı. Jarıs jıldan jılğa joğarı deñgeyde ötkizilip keledi. Birneşe jıldan beri aşılu saltanatı retinde «Wştas koncerttik keşi» ötedi. Joğarı öredegi, käsibi önerpazdar da qatısatın koncertti studentter dayındaydı.

Biılğı jarısta Qıtaydıñ är jerinen 32 komanda qatısıp, eki künge jalğasqan şağın futboldıñ dodası 2 qazan küni keşte öz märesine jetken. Jarıs jeñimpazdar arasında üşinşi orın Qıtayda bilim alıp jatqan qazaqstandıq studentterden qwralğan «Mwnayşılar» komandasına berildi. Ekinşi orın «Aq orda» komandasına, birinşi orın Şınjañnıñ Altay aymağınan barıp qatısqan «Ör-Altay» komandasına bwyırğan. Qıtaydağı qazaq jastarınıñ wştasuına, mädeni ömirleriniñ jandanuına ülken sebepker bolğan «Wştas» futbol turniriniñ är kezeñine sättilik tileymiz!

“The Qazaq Times”